Right:

bir kimesne qabż olsa ḫıyār‑i şenbe dėrler ʿaṭṭārlarda bulınur // alub bir miqdār erik ile qaynadub ṣuyın içse bilā‑şekk // ʿamel ėder nevʿ‑i dīger māī żanbaq [!] kökin dögüb // ṣuyın içüreler fetḥ olur // nevʿ‑i dīger ebem gümecin çıqarub kökin yapraqlar ile dögüb ṣuyın // içüreler fetḥ ola

Left:

bir kimesne döşek esīri olsa // bu āyet‑i kerīmeʾi yazub ve ḥastanuñ [!] // adın yazub ṣu içinde ezüb // içüreler iki raḥmetden birine // nāyil olur Allāhu laṭīf // bi‑ʿibādihī yarzaqu min yašaʾu wa‑huwa // l‑qawwiyyu l‑ʿazīzi niyyat fulān // min fulān

bir kimesnenüñ burnında ve maqʿadında bevāsīr olsa // inciri yėmek ile maraż defʿ olur naql min tefsīr‑i Beyżāvī // ġaflet olınmaya

el‑ʿıyāẕen bi‑llāhi bir kimesneʾi āteş yāḫᵛuẕ çorva yāḫᵛuẕ bir nesneʾi // ile yaqsa bir vaqīye şarāb ve bal mūmdan bir miqdār lākin // bal mūm ne‑miqdār bal mūmı qonulursa iki ol‑qadar sāde yaġı // qoyup mülāyim āteş üzerinde qaynadalar tā ol şarāb qaynayub // gidince baʿdehū indürüp melhemi gibi bez üzerine urup yanduġı yėre // ura günde iki kerre bezüñ üzerinden qazıyup yine ol melhemi ṣıvayup // ura bi‑iẕni on günden muqaddem oñulup eyü ola // ġaflet olınmaya

fāʾide // bir kimsenüñ aġzı ve gözi ve eli egilse bu nüsḫa‑i şerīfüñ birisin yazup yedi gün üzerinden // ṣuyuñ [!] içe ve bir nüsḫaʾı yazup daḫı degirmeñ çarḫından ṣu dutup nüsḫaʾı ol ṣu ile // ezüb yuna ve bir nüsḫasın daḫı yazup bilesince getüre bi‑smi llāhi r‑raḥmāni r‑raḥīm // ṭ ṭ ṭ h ʿ ʿ ʿ m m ḥ‑s‑h [?] k‑h‑y‑ʿ‑ṣ ṭā‑hā mā anzalnā ʿalayka // l‑Qurʾāna li‑tašqā [illa] taḏkiratan li‑man šāʾa antum ašaddu ḫalaqan ummu s‑samāʾu baynahā // mmm